Biolur

Biolurren proiektu nabarmenenen zerrenda:

Ekolapiko proiektua – Elikadura Ekologikoa haur-eskoletan

Ekolapiko, Kristinaenea, Donostiako Ingurumen-Baliabideen Gunea eta Biolurren arteko hitzarmen baten ondorioa da.

Poliki-poliki gero eta oihartzun handiagoa izaten ari da Jantoki Ekologikoen gaia, batez ere haurrei dagokienean. Haurrek, hunkitzen gaituzte, haurrak direlako, eta baita, etorkizuneko helduak izango direlako ere. Gainera, haurren gorputzak, garapen ikaragarria dutelarik, elikagaiek izan ditzaketen elementu kimikoekiko oso sentikorrak dira eta oso garrantzitsua da garapen fase honetan, elikadura osasuntsu bat bermatzea eta elikadura gaietan heztea.

Umeekin lan egiteak balio erantsia ematen dio, beraz, proiektu bati eta Donostiako Udaleko Ingurumen eta Hezkuntza Sailak konturatu dira jada horretaz. Beraien apustua, Donostiako hiru Udal Haur Eskoletan, Antiguo, Prim eta Zuloagan elikadura ekologikoa eskaintzearen aldekoa izan da. Proiektua aurrera eramateaz eta bere koordinazioaz Biolur Gipuzkoa arduratu da.

EKOLAPIKO izenaz bataiatu dugu proiektua eta hiru lan ildo garrantzitsutan oinarritu da:

• Elikadura osasuntsu eta orekatuaren oinarriak finkatzean
• Ingurumenean: Nekazaritza Ekologikoki eratorritako Elikagaien bidez
• Donostialdeko Landa Garapenean (Nekazari Ekologikoen Sarea)

Elikadura oinarria da, eta oinarriak ongi landuz, asko egin daiteke ingurumenaren alde; asko egin daiteke landa-garapenaren alde; eta nola ez, asko egin daiteke osasunaren alde. OREKA da.

Zeuk ere egin dezakezu. Hainbat eredu posible daude. Gu laguntzeko prest gaude.

Ikusi nahi al duzu orain arte egindakoa?

• Elikadura Ekologiko eta Orekatua Donostiako Udal Haur Eskoletan (Power Point)
• Ekolapiko diptikoa deskargatu (PDF formatuan)
• Donostiako Udal Haur Eskoletan egindako Elikadura Ekologiko eta Orekatuaren proiektuaren memoria
• Elikadura Ekologiko eta Orekatua Donostiako Udal Haur Eskoletan. II FASEA.

Beste proiektu batzuk

Momentu honetan, gune ez erabilgarria.

ELIKAGAI EKOLOGIKOAK KONTSUMITZEKO 10 ARRAZOI ON