Biolur

Ingurugiroa

Ingurugiroak giza kontsumorako kalitate goreneko janari zaporetsuak ekoizteko beharrezko baliabideez hornitzen ditu nekazal sistemak. Ekoizle ekologikoak ingurugiroari bere mesedea itzultzen dio baliabideen kalitate eta ezaugarri naturalak mantenduaz lehenik, eta ahal izanez gero hobetuaz.

Lurra

Lurzorua baliabide naturalik garrantzitsuenetakoa den arren, lurzorua da baliabide zigortuena. Lurra planetan bizi ahal izateko abere eta gizakiek behar duten oxigenoa eta elikagaiak lurraren kalitatean dute oinarria berau baita landareen janiturria. Nekazari ekologikoek nekazaritzak lurzoruaren emarkortasunean eta osaketan duen eragina, eta lurzoruari zer kendu eta zer ematen dioten zehazki aztertuaz lurzoruaren benetako balioa errespetatzen dute.

Helburua

Lurra osasuntsu, emankor eta natural mantentzeaz gain nekazari ekologikoak beren egoera hobetzen saiatzen dira elikagai egokien horniketa, bere egituraren hobekuntza eta uraren kudeaketa eraginkorraren bitartez. Europar Batasunak nekazaritza ekologiko-araudiari esker, edo eta jarduera egokiei esker betetzen dira helburu guzti hauek.

Jarduerak

Hona hemen ekoizle ekologikoek lurzoruaren osasuna mantendu eta hobetzeko erabiltzen dituzten jarduera adierazgarrienak:

• Ara-aldaketa maiz eta zabalek onura handia dakarkite landare espezie zehatz baten laborantzan. Batetik, izurrite eta belar txarren zikloak puzkatzen dituzte, eta bestetik lurrak indarberritzeko beharrezko denbora irabazten du . Hirusta bezalako leguminosek atmosferako nitrogenoa lurzoruan finkatzea laguntzen dute, adibidez.
• Ximaurra oinarritzat duten ongarri organikoen erabilerak lurzoruaren egitura hobetzeaz gain beronen higadura ekiditzen du.
• Ongarri sintetiko eta pestiziden erabilera murriztuaz etorkizuneko lurzoruaren menpekotasun eta oreka kimikoen aldaketa ekiditzen du.
• Abeltzantzarako larre konposatuen erabilerari esker lurren gain-ustiaketa ekiditu eta lurzoruari berreskuratzeko denbora ematen zaio elikagarrien galera ekidituaz.
• Uztaldi osteko ongarri berdeek lurzoruaren higadura eta lixibatze bidezko elikagarrien galera murrizten du.
• Belazeek ere higadura eta elikagarrien galera murrizten dute.

Laborantza

Ahal den neurrian, ekoizle ekologikoek eskuz edo makina bidezko metodoak erabiltzen dituzte laborantzan, eta hauei esker lurzoruaren egitura eta osasun emaitza egokienak lortzen dituzte. Beste modu batera esanda, nekazari ekologikoek belar txarrak mozten dituzte herbizidak erabili beharrean lurzoruaren azpi eta gainealdean bioaniztasuna kontserbatuaz.

Lurzorua bizirik

Nekazaritza ekologikoak lurzoruen mikroorganismo onuragarrien gehitzea dakarrela diote ikerketa batzuek. Labore eta abereen osasunean du eragin zuzena lehenik, baina gizakiarenean azkenik. Soil Fertility and Biodiversity in Organic Farming izeneko 2002ko ikerketaren esanetan, nekazaritza ekologikoak:

• Lurzoruko kakalardo pilotagileen kopurua bikoizten du,
• Lur-zizareen kopurua %50 igoarazten du,
• Kakalardo estafilidoen kopurua %60 igotzen du,
• Armiarmen kopurua ere bikoiztu egiten du.

Ganadu/aziendaren dentsitatea

Orokorrean, nekazal sistema ekologikoek lursaileko abere gutxiago izateari esker abereek estres, gaixotasun eta izurrite gutxiago jasaten dituzte; lurzoruaren bioaniztasuna hobetu eta beroren trinkotze eta erosioa murriztuaz.

Arautze prozesua

Nekazariek nahiago izateaz gain, lurzoruari onura dakarkieten ekintza asko nekazaritza ekologikoaren araudian barneratu dira. Hona hemen Europar Batasuneko araudian agertzen diren bi puntu:

• Nekazaritza ekologikoan, lurzoruaren materia organikoaren kantitate, kalitate eta aniztasuna mantendu edo gehitzen duten eta beroen trinkotze eta erosioa ekiditen duten ekoizpen metodoak erabili behar dira.
• Laborantza urteanitzen aldaketari esker lurzoruaren emankortasuna eta jarduera biologikoa mantendu eta hobetu behar direnez, leguminosa eta beste ongarri berdedun laborez gain simaur eta jatorri ekologikodun materia organikoaren erabilera bultzatzen dira.

ELIKAGAI EKOLOGIKOAK KONTSUMITZEKO 10 ARRAZOI ON