Biolur

Janari ekologikoak

Kontsumitzailearen mahaira iritsi aurretik, baserritik irten berri den produktu ekologikoak zenbait bitarteko pausu edo etapa ditu. Hori dela eta, benetakoa izateaz gainera kontsumitzea merezi duen produktua jaso ahal izateko bitartekari guztiei abeltzain eta nekazariei eskatzen zaien zainketa, profesionaltasun eta araudi ekologikoaren betetzea eskatzen zaie.

Prozesadoreak

Natura eta beronen garapena errespetatuaz ekoizturiko benetako janari freskoa bezeroei iristea dutenez helburu; transformatzaile, banatzaile, eta saltzaileek ekoizleen helburu berdinei ematen diete hitza.

Hona hemen produktu ekologikoak erabiltzerako garaian kontutan hartu beharreko zenbait oinarri:

• Gehigarrien erabilera murriztuta dago,
• Gehigarri sintetikoen erabilera murriztuta dago,
• Genetikoki moldaturiko bizidunen erabilera debekatuta dago.

Baldintzak

Europar Batasuneko edo eta estatuko etiketa/logotipoa eman ahal izateko, elikagai-prozesatzaileek ere zenbait arau bete behar dituzte. Europar Batasuneko araudi berriaren arabera ondorengoak dira betebeharrak:

• Ekoizten diren produktuen osagaien gehiengoak jatorri ekologikoa izan behar du.
• Batzorde edo Europar Batasuneko estatu kideek onarturiko osagai ez ekologikoak bakarrik erabili ahal izango dira.
• Batzordeak baimenduriko gehigarrien erabilera mugatua.
• Ongailu artifizialen eta koloratzaileen debekua.
• Osagai ekologiko eta ez ekologiko biltegiak banatuta egon behar dute, eta baita berauen erabilerak ere.

Ikuskapena

Betebehar hauetaz gain, araudia betetzen dela ziurtatzeko, urtean behin gutxienez Europar Batasuneko elikagai ekologikoen transpormatzaileek ikuskapen bat jasango dute, eta gehiago beharrezkoa izanez gero.

Janarien barietatea

Nekazaritza ekologikoak naturaren oreka eta nekazaritzaren jatorriarekiko lotura mantendu bitartean, tranformazio ekologikoak egungo kontsumitzaileen zapore, gaitasun eta sukalde-joera isladatzen du. Hona hemen, zapore bikaineko eta goi-mailako fruta, barazki eta haragiaz gain, nekazaritza ekologikoak eskeintzen dituen beste zenbait produktu ekologiko:

• Umeentzat elikagaiak
• Mahats ekologikoetatik ateratako ardoak
• Garagardoa
• Jogurtak
• Pastelak
• Opilak
• Ogia
• Gosaltzeko zerealak
• Gailetak
• Haragi hotzak
• Fruta zukuak
• Kontserbako fruta eta barazkiak
• Prestaturiko janariak
• Kafea
• Tea

Nekazaritza ekologikoak elikagai aukera zabalagoa eskeintzen du. Gutxien ezagutzen diren landare, izurrite eta gaixotasunei erresistentzia erakusten dieten abere, eta lekuko eta urtaroko baldintzetara egokituta daudenak aukeratzen direlako.

ELIKAGAI EKOLOGIKOAK KONTSUMITZEKO 10 ARRAZOI ON